لا يــــغـركــ

لايغرك صغر سنَي لـي عقـل يـوزن جبـال
كم كبيرٍ عاش عمـره جاهـلٍ مالـه فهيمـه

وكم صغيرٍ في الشدايد صار يضرب به مثال
رافعٍ راسه بعزَه ما انحنى في وقـت ضيمـه

تدري لو صارت حروب وصوتوا لجل القتـال
صرت اولهم شجاع وغيري فر مـن الهزيمـه

ما اهاب الموت لأني ما أبـي الدنيـا لمـال
بايعٍ مانـي بشـاري دار ماهـي مستديمـه

كيف ابيها واشتريها واعرف انهـا للـزوال
مابقت لي ومابقت لك في السما ماتدوم غيمه

ولايغرك مظهر الدنيا ترى فـي كـل حـال
فيها كلٍٍَ يختلـف واللـص ماتهمـه جريمـه

مايحس بهم غيـره ومـا يهمـه قيـل وقـال
بـس ربـك مايفوتهـا ولوكانـت قديـمـه

مستهيـن بصغـر سنًـي بسألـك بالله سـؤال
وافهمه وحطّه فـي بالـك لا تخليهـا ظليمـه

بس خبرني وقلي وش هـو معنـات الرجـال
الرجـال بفعلهـا ولاً كــلامٍ مـالـه قيـمـه

الرجل لي كلمته في هالهوى صـارت هـزال
من يلوم البنت لي ضاعت ولي قالوا غشيمـه

لعن ابوها من رجوله افقدت كـل الخصـال
مابقى للروح معنـى والقبـر يبكـي نديمـه

من فقد هاليوم دمه ما أبـي منـه الوصـال
بس جروح القلب تكفي ذقت طعناتٍ أليمـه

انجحت خطة عدوكم وابتسـم وجـه السبـال
من يحس يفور دمه صـارت النخـوه يتيمـه

دنيتك لو اضحكت لك وافتحت لجلك مجـال
ماتحبك تستغلك تحسب انهـا لـك كريمـه

وان جفيت الدربها تغريك ترمي لك حبـال
بس هدفها تستجرك لين مـا تُصبـح غنيمـه

ماتقول في يوم ابعد دوم تنـده لـك تعـال
لين ماتظفر بصيدك وماتبقًـي لـك حشيمـه

العقل الله وهـب لـك للفكـر يابـن الحـلال
قبل لا تبغـي اتكلـم خـل وجهاتـك سليمـه

اسعى في اول مسيرك من ظميـرك ببتهـال
ثابر وتابع عزومك ضـد نـاسٍ لـك وشيمـه

الطمـوح اليـا رميتـه بيـن هبـلان وخبـال
الندم لجلـك يرحـب والحسـد ثـم النميمـه

بالركاده و الرزانـه ترتقـي فـوق وتنـال
رايـةٍ ترفـع اهلهـا بالمقاديـر العظيـمـه

الطريق أخوي واضح مايبـي لـف وجـدال
من يطيق الظلم يندم والزمن مافيـه شيمـه

خذ علومك من مجرب ماطرق بـاب الـدلال
مافعـل شـيٍ وإلا نيتـه فقـصـى صميـمـه

المراجل درب واسـع عـد حبـات الرمـال
بس تبغي شخص ناجح للفعـل قـول وعزيمـه