حبيبـة القلـب خانتهـا بطاقتهـا
وانا انتظر ردها والنـوم ماجانـي
لوصار عندي خبر فكيت حرجتهـا
واهديتها عن (سواء) جوال مجاني
ماني بـراضِ تهـل اليـوم عبرتهـا
وانا اعرفن البكاء.. كله على شاني
مزيونه زينها مـن سـاس جدتهـا
ماغيرت شكلها بصباغ والوانـي
كن القمر والكواكب وسط لبتهـا
والعنق وصفه كما كرسي سليماني
مافي جميع الخلايـق مثـل صورتهـا
فريدةٍ فالوصايـف مالهـا ثانـي
من أخمص قدمها الى أعلى شي هامتها
قطعة ذهب والبهاء صحه فالابداني
سبحان من زاد فـي قلبـي معزتهـا
معزتن فاقت القاصيـن والدانـي
ياما وياما سهرت الليـل حشمتهـا
ابدع قصيد الغزل واجر الالحانـي
وليا تسمعـت فالجـوال نغمتهـا
أنسى همومي واعيش بعالمن ثانـي
اخطرت بالموت كله مـن محبتهـا
الموج عاتي واخاف يصيرطوفانـي
ارجوك ياعاذلـي دعنـي وسيرتهـا
تعال واضمد جروحي ياكحيلانـي
يمكن نجدد هـواء ليلـي وقصتهـا
اللي تذكر لنا من ماض الازمانـي
موضوع: حبيـــــ القــلب ـــبـة خ ــانتـها بطــاقتها 
الأربعاء يناير 27, 2010 6:38 pm
