همسة من القلب

نامت الوردة على الغصن الطري

وابتدى ليلي من الفرقا طويل

وانكشف ساهر من اللوعة ثري

ما لقى عن لوعة الفرقا بديل

اعبري يا دمعه الليل اعبري

واتركي خدي على كفي يميل

لين يكمل منك باقي مظهري

والدموع بوادي العبره تسيل

يانجوم اليل هلي واسهري

سامريني كان تبغين الجميل

كود همي مايشوفه مجهري

والقمر يظهر على درب الدليل

او تجي شمس الصباح وتشتري

ظلمة الليل المكبل والعليل

واسكب اثمن عطر وارمي معطري

وانثر ازهاري على جال السبيل

وارفع الترحيب وافتح دفتري

وانثر بيوت القصايد بالشليل

وترتوي عيني ويضمى محبري

وياصل اللي دون شوفه مستحيل

والمشاعر تنثني وتسطري

وتنهض الوردة عقب حلم طويل


مما اعجبنى اتمنى ينال اعجابكم

تحيتى